Horas ma...!!! Ahu MASRUL PURBA DASUHA hatubuhan Nagori Pamatang Bandar Kecamatan Pamatang Bandar Kabupaten Simalungun Sumatera Utara. Ahu anak pahioppat humbani pitu halak, dua botou janah oppat sanina. Amanghu ai ma M.S. Purba Dasuha, B.A anjaha Inang N. Br Sinaga Sidasuhut. Huta hasusuranhu humbani Harajaon Panei do, hunjai misir ma oppung na lobeihu doppak Bajalinggei (Kec. Sipispis Serdang Bedagai) dob ai missah use hu Pamatang Raya. Targoran ma oppung nonokku ai ma Tuan Jonam Purba Dasuha, ia ma na borhat hun Pamatang Raya doppak kaheian topatni hu sada huta na margoran Bandar Gunung dohorni Pardagangan, parborhatni hujai halani iutus Raja Raya gabe pengawas datu-datu na dong i wilayah Harajaon Bandar. Ijai ia mambuat boru Sinaga margoran Bunga (goran ganjangni seng kubotoh), tubuh ma 3 niombahni ai ma Murhalam, Dahalam pakon Moraini. Oppung Murhalam Purba Dasuha tading i Bandar Gunung anjaha na manorushon haguruonni bapani, parsondukni boru Sinaga margoran Niah (goran ganjangni seng kubotoh). Oppung siditongah Dahalam Purba Dasuha misir doppak tanoh Batubara marhajabuan pakon boru Sina (rohsi sondahan on lang ongga pajuppah pakon hasusuranni, halani dob misir hu Batubara seng ongga be oppung on mulak hu huta manohu saninani). Anggo Oppung Moraini gabe guru panawar sipanambari halak na hona sattou pakon ajiajian, oppung on lahou manadingkon Bandar Gunung missah hu Pamatang Bandar. Binuatni Oppung Moraini on boru Sinaga margoran Kalimah, inang na marombah nasibapa.
Surasurakku bani Simalungun:
1. Lahou pabaggalhon halak Simalungun sagogohni gogohku.
2. Marevitalisasi fungsi adat istiadat Simalungun.
3. Merekonstruksi sejarah Simalungun.
4. Malestarihon sahap pakon budaya Simalungun.
5. Mangekspos Simalungun hubani halak sileban.
6. Manjadihon halak Simalungun suhut bani tanoh hasusuranni.
0 komentar:
Post a Comment